Gañadora do Concurso de Microrrelatos Espantosos

 

Xa temos gañadora do concurso de microrrelatos espantosos! Por votación popular no noso centro colaborador para esta actividade, o CIFP A Farixa, a gañadora é Cristina Carnero Berjano, alumna de C1.2 de inglés. 

Moitos parabéns, Cristina! Moitas grazas por participar a todas as persoas que enviastes os vosos relatos en galego e á comunidade educativa do CIFP A Farixa por compartir esta experiencia con nós.

Podedes ler o relato de Cristina a continuación:

Preto da morte

Por algunha razón, aquela noite a casa estaba chea de xente.

Eu pensaba que ao avó Antonio xa non lle quedaban amigos no pobo pero, aquel día, Xosé, Carmen, Adolfo e demais persoas que anos atrás adoitaban pasar as tardes na nosa finca, viñeron para darlle o último adeus ao avó.

Era a primeira vez que eu me enfrontaba á morte e, aínda que todo semellaba normal, nunca olvidarei a estraña sensación que percorreu o meu corpo estando naquel cuarto. O que non esperaba era que, á mañá seguinte, ninguén viñera ao enterro.

-Onde está toda esa xente que veu onte á casa? -pregunteille a mamá.

-Que xente, Iago? Nós estabamos sós.

Petrificado, ollei as tumbas que tiña ao redor. Xosé, Carmen, Adolfo e tódolos demais estaban alí enterrados dende facía anos. Efectivamente, no pobo xa non quedaba ninguén vivo. Que foi entón aquilo que vin na casa?

 

Cristina Carnero Berjano