Concurso de Fraseoloxía e Imaxe de Outono


O EDLG da EOI de Ourense organiza o concurso de Fraseoloxía e Imaxe de Outono. Queres participar? Isto é o que tes que facer:

1. Escolle un refrán ou un dito en galego relacionado coas castañas, o magosto ou  o outono en xeral.

2. Ilustra a frase cun debuxo, unha fotografía ou unha imaxe dixital orixinal.

3. Investiga se hai unha expresión equivalente ou similar noutra lingua que estudes na EOI. Se a atopas, inclúea!

4. Envíanos o teu traballo a este enderezo:

edlg.eoiou@gmail.com

Tes ata o 1 de decembro!

Os traballos enviados publicaranse no blog e na páxina web da EOI.

Escolleranse tres traballos gañadores, que serán premiados con vales por valor de 20 euros para cambiar nunha librería da cidade de Ourense.

Participa!


Comentarios