III Concurso de Microrrelatos Espantosos

1. 
   

 

Agora que se achega o Samaín e o mes de Santos, o EDLG convoca o III Concurso de Microrrelatos Espantosos.

O concurso está aberto a toda a comunidade educativa (alumnado, profesorado e persoal non docente). Para participar, só hai que enviar un relato inédito, en galego, de non máis de 150 palabras ao correo do EDLG: edlg.eoiou@gmail.com. Como novidade, este curso os relatos poderán ser en formato escrito ou oral, así que tamén podedes enviar gravacións dos vosos relatos. Non esquezades incluir nome, lingua e curso. A data límite é o 3 de novembro.

Ademais, este curso colaboraremos co alumnado do CIFP A Farixa. Nós enviarémoslles os nosos relatos e eles mandarán os seus para que escollamos os relatos gañadores, que recibirán un vale de 30 €. Podedes consultar as bases do concurso a continuación. 

Animádevos a participar... Vai ser terrorífico!

BASES DO III CONCURSO DE “MICRORRELATOS ESPANTOSOS”

1. O concurso está aberto a toda a comunidade educativa da EOI de Ourense e do CIFP A Farixa (alumnado, profesorado e persoal non docente).
2. Os relatos deben ser orixinais e inéditos. Estarán redactados en galego e terán unha extensión máxima de 150 palabras.
3. Poderán presentarse como textos escritos (en formato Word) ou como arquivos de audio (en formato mp3).
4. Os textos enviaranse ao correo do EDLG do centro ao que pertence a persoa participante. No caso da EOI: edlg.eoiou@gmail.com
5. A data límite para enviar os textos será o venres, 3 de novembro de 2023.
6. O EDLG da EOI enviará os relatos recibidos ao EDLG do CIFP A Farixa e viceversa.
7. Cada centro publicará os relatos recibidos e establecerá un procedemento de votación pública, aberto a toda a comunidade educativa.
8.  Escollerase un relato gañador para cada categoría: texto escrito e texto oral.
9. O proceso de votación rematará, como moi tarde, o venres 17 de novembro de 2023.
10. As persoas gañadoras recibirán como premio un vale de 30 euros para unha libraría da cidade.