Voltamos das vacacións de Semana Santa e dá certa vertixe pensar que xa imos case pola metade do mes de abril... Logo chega maio e a celebración máis importante da nosa literatura, o Día das Letras Galegas. Na Real Academia xa están a traballar arreo para dar a a coñecer a figura da persoa homenaxeada este ano, Francisco Fernández del Riego, cofundador da Editorial Galaxia. Curiosamente, foi el mesmo o impulsor da creación do Día das Letras Galegas o 17 de maio de 1963, cen anos despois da primeira edición da obra Cantares Gallegos de Rosalía de Castro.
Na páxina web da RAG podemos ler a detallada biografía que escribiu o académico Ramón Nicolás, ilustrada con interesantes fotografías:
Ademais, a RAG produciu unha serie documental de seis episodios nos que se vai debullando a vida e o legado deste intelectual galego. Velaquí o primeiro capítulo:
Podes ver os demais episodios na páxina web da RAG:
Comentarios
Publicar un comentario
Deixa aquí o teu comentario