Gala aRi[t]mar Galiza e Portugal

 

Hoxe transmitirmos a seguinte mensaxe desde o Departamento de Galego da EOI de Santiago de Compostela sobre esta brillante iniciativa que están a levar a cabo cada ano, o festival aRi[t]mar Galiza e Portugal:

Queremos informarvos de que a Gala aRi[t]mar galiza e portugal 2022, coa entrega de premios a artistas e poetas galardoados/as, e coa participación especial d'A Garota Não, Xisco Feijoo, Nabiza Girl e Fran Rei será o vindeiro xoves 15 de decembro, a partir das 20:30 h, no Teatro Principal de Santiago de Compostela. No sitio web e redes sociais do proxecto podereres ir vendo máis detalles, relembrar artistas, poetas e proxectos gañadores

Como fixemos nas pasadas edicións, de estardes interesados/as en asistir, o profesorado colaborador, xunto co alumnado, teredes que nolo comunicar antes do 12 de decembro para vos reservarmos praza antes de saíren as entradas ao público en xeral. Abonda con que unha persoa responsable por centro nos diga cantas reservas precisades.  

De coñeceres alguén alleo ao centro que quixer asistir, podedes indicarlle que pode reservar un máximo de 2 butacas por persoa, de forma gratuíta, a partir do día 13/12 en https://www.compostelacultura.gal

Por outra banda, tamén vos queremos informar de que o proxecto lanza un novo produto, financiado pola secretaría xeral de Política Lingüística, a web-app play.aritmar.gal, onde se poden ver e oír todas as músicas e poesías finalistas de todas as edicións, unha especie de "o mellor da música e da poesía galegas e portuguesas dos últimos anos". Ademais, tamén figuran as letras de todas as cancións e de todos os poemas ou a nómina de artistas e poetas e mesmo algunhas aplicacións didácticas.  O formato híbrido do aplicativo permite que as persoas utilizadoras se poidan mover por unha interface intuitiva e adaptada aos dispositivos móbiles. 

Moitas grazas!