A ONU comeza 16 días de activismo para acabar coa violencia machista

 


O Día internacional da eliminación da violencia contra a muller da comezo a 16 días de activismo contra a violencia machista, que terán o seu punto e final o 10 de decembro, Día internacional dos dereitos humanos.

Esta campaña da Organización das Nacións Unidas (ONU Mulleres), anima a toda a poboación a implicarse, facéndose eco das voces das mulleres sobreviventes e apoiando as organizacións de mulleres e os movementos feministas. “Todas e todos podemos actuar”, ratifica.

Máis dun terzo das mulleres do mundo sofren violencia de xénero durante a súa vida, mentres que menos do 40% que a padece procura axuda. Os datos recollidos pola ONU salientan que ata o 56% das 81.100 mulleres e nenas que faleceron por violencia machista en 2021 foron asasinadas por parellas ou familiares.

Para saber máis sobre esta campaña, preme na seguinte ligazón:

https://www.unwomen.org/es/what-we-do/ending-violence-against-women/unite/16-days-of-activism

Comentarios