Xa temos gañadora de segunda edición do Concurso de microrrelatos espantosos: Iria Cebreiros Trigo, alumna de galego, co seu relato Non mires. Moitos parabéns a Iria e a todas as persoas que participaron no concurso!
Publicamos a continuación o relato gañador. Axiña publicaremos tamén unha recompilación de todos os relatos recibidos. Non os perdades!
Non
mires
Choiva, pasos, camiño, non penses, e segue amodiño, sempre lle decía a súa nai.
Rememoraba esta
advertencia mentres camiñaba cos pés cheos de lama, a mirada baixada e o
corazón encollido, ao pasar por aquel escuro camiño.
A luz do farol,
non era suficiente para alumar a totalidade do vieiro. Ollaba tímidamente para
non chocar coas pólas das árbores, que asubiaban polo forte vento. Sentíase
observada e acosada por aquel ser que se agochaba entre a maleza.
A cada paso que
daba, máis tremía. Aquel monstro de tez pálida, por cada bágoa ou berro recibía
máis tempo de vida. De cando en vez sorría para que a tenue luz mostrase os
seus afiados dentes.
Aquela sensación de impotencia ao non poder aumentar o ritmo do camiñar, consumíaa por dentro, como o levaba facendo todas as noites da súa vida. Quen sabe se aquela foi a derradeira.
Iria Cebreiros Trigo
Comentarios
Publicar un comentario
Deixa aquí o teu comentario